Grabitje me vlerë 230 mijë euro, arrestohen 6 shqiptarë në Greqi

Pesë burra dhe një grua me origjinë shqiptare janë arrestuar nga efektivët e Policisë së Atikës në Greqi pasi akuzohen për një sërë vjedhjesh.

Shumica e të arrestuarve kanë një të kaluar të rëndë kriminale, një nga të arrestuarit kishte qenë i dënuar 20 vjet burg, kreu tetë vjet dhe u lirua nga burg një vit më parë.

Anëtarët e bandës zgjodhën rezidenca luksoze në periferitë veriore dhe jugore të Atikës dhe grabitën gjithçka kur aty nuk kishte askënd. Punonjësit e policisë kanë identifikuar 20 vjedhje nëpër shtëpi, që kapnin vlerën e 230 mijë euro.

Në banesat e të arrestuarve janë gjetur disa sende të vjedhura, para, një pistoletë, ndërsa janë konfiskuar një motor dhe dy makina të përdorura në vjedhjet.

Sondazh

A e mbështesni protestën siç është zhvilluar dy ditët e fundit nën emrin e studentëve?

•                                                                         Po
  

  •                                                                     Jo
    

    •                                                                 Nuk e di
      

Lexo gjithashtu