Gramozi – Real Madrid, më 20 janar

border="0" width="15" height="15">

(ALBANIA SPORT) – Gramozi-Real Madrid. Përballja midis modestëve shqiptarë dhe gjigantëve spanjollë do të luhet, më 20 janar 2010 në “Qemal Stafa”.

Lajmi është konfirmuar zyrtarisht nga kompania “Taçi Oil International”, organizatore e miqësores ndërkombëtare.

Pas klubit italian të Milanit, që erdhi dy herë në Tiranë, tetor 2008 (humbi me Tiranën, 2-1) dhe maj 2009 (fitoi me penallti pas barazimit 3-3 me Kombëtaren), Reali është klubi i dytë më i madh në botë që vjen në Shqipëri.

Kështu, në Tiranë do të vijnë yje si Kaka (erdhi edhe me Milanin), Kristiano Ronaldo, Raul Gonzales, Iker Kazijas etj.