Greqi, arrin në 28 numri i viktimave nga gripi i derrave

Mediat helene bëjnë me dije se viktimat e fundit janë dy gra, ndërkohë që në gjendje kritike për jetën janë edhe tre persona. Nën kujdes intensiv ndodhen edhe 34 persona të tjerë.
     
Në zonën e Atikës janë mbyllur deri tani 230 shkolla. Autoritetet shëndetësore bëjnë të ditur se janë vaksinuar rreth 125 000 persona dhe se gjithnjë e më shumë grekë po vizitojnë qendrat për imunizim, të shqetësuar nga rritja drastike e numrit të të infektuarve dhe rasteve të vdekjes nga ky lloj gripi.