Greqia fik cigaren prej 1 korrikut
“Duhet ta kuptojne te gjithe se prej 1 korrikut Greqia fik cigaren. Dhe e fik pa bere asnje leshim”, ka deklaruar ministri i Shendetesise, Dimitris Avramopoulos.
Statistikat qe publikon Ministria e Shendetesise, me qellim sensibilizimin e opinionit publik jane tragjike. Sipas tyre, ne gjithe boten 1.2 miliard persona jane pires duhani, ndersa nga cigarja te pakten 3.5 milione banore humbin jeten cdo vit.
Vetem ne Greqi shenohen mbi 20.000 vdekje ne vit qe lidhen me pirjen e duhanit, ndersa mbi 700 vdekje shenohen tek ata persona te cilet punojne ne ambientet me tym duhani, pavaresisht se ata vete nuk e pijne.
Gjithashtu, Greqia ze vendin e pare ne bote persa i perket perqindjes se grave duhanpirese, qe tejkalon shifren prej 32%.
“Deri tani shoqeria greke asnjehere nuk ka vepruar ne menyre te organizuar dhe sistematike drejt nje pikesynimi te sakte, prandaj kemi arritur ne keto statistika”, deklaron Panagiotis Mpehrakis, profesor pneumolog.
Sipas ligjit te ri, do ndalohet duhani ne gjithe ambientet e punes, ne restorante, bare, ne sallat e pritjeve, ne aeroporte, ne taksi dhe mjetet e sherbimit publik.
Gjobat qe do te vihen shkojne deri ne 20000 euro dhe deri ne heqjen e lejes se restoranteve dhe bareve te medha per shkelesit e ligjit.
Megjithate, ligji ka disa perjashtime per disa qendra argetimi apo bare te vogla. “Besoj se persa i perket ambienteve te mbyllura eshte i drejte zbatimi i kesaj mase. Mjafton qe te mos ndalohet duhani edhe ne ambientet e jashtme”, shprehet nje qytetar.
Pas miratimit te ligjit te ri ne Parlament, ka filluar informimi i qytetareve me spote televizive dhe informacione shkencore per demet qe shkakton pirja e duhanit dhe avantazhet per ata qe do te mund te heqin kete ves.