Grupi 1, supersfida ndalet ne barazim
Edhe pse kane sulmuar qe ne fillimin e ndeshjes, portugezet kane pesuar gol te paret. Ne fundin e 45 minutave, Niklas Bendtner kercen me shume se te gjithe ne zonen e rreptesise se kundershtareve dhe nuk mendohet shume per te shenuar. Ne pjesen e dyte danezet qe ishin edhe me prane nje kualifikimi te sigurte me keto tre pike, u mbyllen ne gjysmefushen e tyre ne pritje te sulmeve te portugezeve te cilet provuan nga te gjitha krahet e me te gjitha menyrat.
4 minuta perpara perfundimit te lojes, pas nje goditje kendi, Liedson shenon golin e barazimit qe i jep ende shprese Portugalise, nderkohe qe Danimarka mban kryesimin me nje avantazh prej 4 pikesh nga Hungaria e vendit te dyte. Keta te fundit kane pesuar humbjen e dyte ne kete faze grupesh, pasi u munden nga Suedia ne minutat e fundit. Olof Melberg shenon qe ne minuten e 8-te te takimit duke treguar qarte ambiciet e suedezve per kete ndeshje.
Perpjekjet e Ibrahimovic nuk sollen asnje rezultat tjeter vec disa aksioneve te rrezikshme ne pjesen e pare. Ne te dyten, gjyqtari akordon nje 11-metersh ndaj Hungarise, i cili shnderrohet ne gol nga Huszti. Ishte minuta e 90-te dhe kur gjithcka shkonte drejt barazimit, Ibrahimovic, ne kerkim te golit, kete here i ndihmuar edhe nga fati, kalon Suedine ne avantazh, duke i dhene 3 pike shume te rendesishme qe i ngjit menjehere ne vendin e trete ne grupin 1.
Jane 4 skuadra qe ende shpresojne per dy vendet qe do t’i cojne ne boterorin Afrike e Jugut 2010, te katerta keto skuadra, Danimakra, Hungaria, Suedia dhe Portugalia do te zhvillojne edhe nga 3 ndeshje, nderkohe Shqiperia dhe Malta, skuadra e parafundit dhe e fundit do te zhvillojne edhe nga dy ndeshje. te merkuren kuqezinjte do te perballen me Danimarken ne “Qemal Stafa”, ndersa mbyllin keto eliminatore me ndeshjen 14 tetorit ne Suedi.