“Hajduta! Ikni me vrap!” Vajzat protestuese përballen me deputetët socialistë

Një grup vajzash protestuese kanë pritur jashtë perimetrit të sigurisë deputetët që dolën nga Kuvendi pas përfundimit të seancës plenare, duke i shoqëruar me thirrje kundër tyre.

Sapo deputetët socialistë kanë dalë nga godina e Parlamentit, vajzat u janë drejtuar me thirrjet “Hajduta!”, “Ikni me vrap!” dhe “Kartonat e Ramës”, në shenjë proteste ndaj mazhorancës.

Seanca plenare e kësaj të enjteje u mbyll brenda një kohe të shkurtër, pas kaosit të shkaktuar nga deputetët e opozitës.

Kryetari i Kuvendit, Niko Peleshi, e kaloi seancën drejtpërdrejt në votim. Në sallë ishte i pranishëm edhe kryeministri Edi Rama, së bashku me deputeten Belinda Balluku.