Hamasi hedh poshtë planin e Izraelit për zhvendosjen e palestinezëve: Mashtrim, synon të mbulojë krimin brutal

Grupi militant palestinez Hamas tha se plani i Izraelit për të zhvendosur banorët nga qyteti i Gazës përbën një “valë të re gjenocidi dhe zhvendosjeje” për qindra mijëra banorë në zonë.

Grupi tha se vendosja e planifikuar e tendave dhe pajisjeve të tjera të strehimit nga Izraeli në Gazën jugore ishte një “mashtrim i hapur”.

Ushtria izraelite ka thënë se po përgatitet të sigurojë tenda dhe pajisje të tjera duke filluar nga e diela, përpara planit të saj për të zhvendosur banorët nga zonat e luftimit në jug të enklavës “për të siguruar sigurinë e tyre”. Për Hamasin, vendosja e tendave nën maskën e qëllimeve humanitare është një mashtrim i hapur që synon të “mbulojë një krim brutal që forcat pushtuese përgatiten ta kryejnë”.

Izraeli u shpreh më herët se kishte ndërmend të niste një ofensivë të re për të marrë kontrollin e qytetit verior të Gazës, , plan që ka ngritur alarm ndërkombëtar mbi fatin e 2.2 milionë palestinezëve.

/rtsh.al/