Hapësirë, Rusia lëshon satelitin amerikan
Rusia ka lëshuar një satelit amerikan për telekomunikimin nga kozmodromi i Baikonur, në Kazakistan.
Lajmin e ka bërë të ditur qendra hapësinore ruse Khrunichev dhe operatori ILS.
Një raketë ruse Proton-M, që transportonte satelitin EchoStar XV, është lëshuar dje në mbrëmje dhe pas një udhëtimi prej 9 orë e 13 minutash e ka çuar atë në orbitë.
Sateliti do të shërbejë në veçanti për një operator amerikan televiziv me pagesë, Dish Network.