Historike, Kosova në play off-in e Botërorit 2026
Kosova, sukses historik. Pas fitores 2-0 të arritur në Ljubljanë përballë Sllovenisë, “Dardanët” kanë siguruar pjesëmarrjen në play off-in e Kupës së Botës 2026.
Në Stadion Stožice, sfida u zhbllokua pas 6 minutash lojë nga një gol i shënuar nga Fisnik Asllani. Në pjesën e dytë sllovenët mbetëm me një lojtar më pak, Stojanović(53′) u ndëshkua me karton të kuq.
Ndërkohë, dyfishimi i rezultatit mbërriti në minutën e 64-ët nga një autogol i Karničnik. Kosova tashmë ndodhet në kuotën e 10 pikëve(vendi i dytë në grupin B), ndërsa Sllovenia në vend të tretë me 3 pikë. Vendi i parë mbahet nga Zvicra me 13 pikë.
Në ndeshjen e fundit në grup, “Dardanët” luajnë ndaj Zvicrës në “Fadil Vokrri” më 18 nëntor.