Hungaria do të instalojë sistemin e mbrojtjes ajrore pranë kufirit me Ukrainën

Hungaria do të instalojë një sistem të mbrojtjes ajrore pranë kufirit të saj me Ukrainën, ka njoftuar Budapesti. 

Ministri i Mbrojtjes i vendit tha se instalimi i sistemit në verilindje të vendit erdhi pasi kërcënimi i përshkallëzimit në luftën Rusi-Ukrainë ishte “më i madh se kurrë”. 

“Ne ende besojmë se do të ketë paqe sa më shpejt të jetë e mundur, përmes diplomacisë në vend të një zgjidhjeje ushtarake,” tha mbrëmë Kristof Szalay Bobrovniczky. 

“Megjithatë, për t’u përgatitur për të gjitha mundësitë, porosita që sistemet e kontrollit ajror dhe të mbrojtjes ajrore të blera së fundmi dhe aftësitë e ndërtuara mbi to të instalohen në verilindje”.

“Kërcënimi i përshkallëzimit të luftës Ukrainë-Rusi është më i madh se kurrë.

Hungaria është ndër vendet evropiane më mbështetëse të regjimit të Vladimir Putinit në Rusi, duke kundërshtuar vazhdimisht sanksionet dhe duke frustruar Bashkimin Evropian dhe NATO-n për ndihmën për Ukrainën dhe pranimin e Kievit dhe fqinjëve të tjerë në aleancë.