IKMT prish strukturat informale për shuarjen e gëlqeres në Krujë, digjeshin goma dhe mbetje të rrezikshme

Inspektorati Kombëtar i Mbrojtjes së Territorit ndërhyri në zonën e Krujës, duke prishur disa struktura informale të përdorura për shuarjen e gëlqeres, një aktivitet me ndikim të konsiderueshëm në mjedis.

Sipas verifikimeve të kryera, në këto gropa, të ndodhura në Pyllin e Picrragës, digjeshin goma të përdorura, plastikë dhe mbetje vajrash, duke çliruar tym dhe substanca të rrezikshme që ndotnin ajrin, tokën dhe ujërat përreth, si dhe përbënin rrezik për shëndetin e banorëve.

Ndërhyrja e IKMT-së synon mbrojtjen e mjedisit dhe të shëndetit publik, si dhe rivendosjen e ligjshmërisë në territor.

/vizionplus.tv