ILD kërkesë KLGJ, i kërkon shkarkimin e gjyqtarit të Vlorës (EMRI)

Inspektori i Lartë i Drejtësisë Artur Metani i ka kërkuar Këshillit të Lartë Gjyqësor shkarkimin nga detyra të gjyqtarit të Vlorës, Hektor Sinanaj.

Kreu i ILD-së, i ka dorëzuar një raport qeverisë së gjyqësorit, ku vihet në dukje konflikti i interesit nga ana e magjistratit.

Në raport thuhet se nga hetimi disiplinor rezulton se nga ana e magjistratit, janë ndërmarrë veprime që përbëjnë një mospërmbushje të rregullt të detyrës.

Sipas Metanit, gjyqtari ka përdorur statusin e magjistratit me qëllim krijimin e përfitimeve për të tjerët si dhe në shkelje të parimit të garantimit të besimit të publikut te drejtësia./vizionplus.tv