ITALI – Rritet papunësia, shkalla më e lartë në tre muaj

ROMË, 1 gusht /ATSH-DPA/- Shkalla e papunësisë në Itali u rrit në qershor në nivelin më të lartë në tre muaj, njoftoi sot zyra e statistikave ISTAT.

Shkalla e papunësisë arriti në 7% në qershor, nga një normë e qëndrueshme prej 6,9% në maj. Ndërkohë, ekonomistët kishin parashikuar që norma të binte në 6,8%.

Në muajin korrespondues të vitit të kaluar, norma ishte 7,5%.

Në të njëjtën kohë, shkalla e punësimit qëndroi e qëndrueshme për të dytin muaj radhazi në 62,2%.

Shkalla e papunësisë tek të rinjtë arriti në 20,5% në qershor, e pandryshuar nga muaji i kaluar. //a.i/