IZRAEL – Healey kërkon shpërshkallëzimin e situatës në LM

TEL AVIV, 3 gusht /ATSH-DPA/ – Sekretari i Mbrojtjes i Mbretërisë së Bashkuar ka vizituar Izraelin për të theksuar “nevojën urgjente për shpërshkallëzimin e situatës në Lindjen e Mesme”, në fund të një turneu në rajon nga ministrat britanikë.

John Healey u takua me homologun e tij izraelit Yoav Gallant në Tel Aviv të premten, ku  bëri thirrje për një armëpushim të menjëhershëm dhe që të gjitha palët të tregojnë “përmbajtje” dhe “të ulin tensionin në këtë moment kritik”.

Në një postim në X, Gallant tha se të dy ministrat kishin diskutuar “rëndësinë e lidhjeve të mbrojtjes” midis dy kombeve dhe falënderoi Healey për “angazhimin e tij ndaj marrëdhënieve MB-Izrael” dhe “mbështetjen e tij për të drejtën e Izraelit për vetë- mbrojtjes ndërsa ne vazhdojmë të përballemi me kërcënime në fronte të shumta.”

Takimi pason vizitat e Healey dhe sekretarit të jashtëm David Lammy në Katar dhe Liban në fillim të kësaj jave, me të dy zyrtarët që kërkuan një armëpushim, lirimin e pengjeve dhe një rritje të ndihmës për Palestinën.

Turneu i ministrave vjen pas vdekjes së liderit politik të Hamasit, Ismail Haniyeh, i cili u vra në një sulm ajror në kryeqytetin iranian Teheran që i është atribuar Izraelit.

Tensionet janë rritur gjithashtu në kufirin verior të Izraelit me Libanin pasi 12 fëmijë dhe adoleshentë u vranë nga raketat e Hezbollahut në Lartësitë Golan.

Ai sulm u pasua nga një sulm ajror izraelit në një periferi të kryeqytetit libanez Bejrut, për të cilin Tel Aviv tha se kishte në shënjestër komandantin përgjegjës të Hezbollahut./ a.jor.