Inceneratori i Elbasanit/ SPAK kërkoi 10 vite burg për Lefter Kokën, ish-ministri mbrohet: Ja argumentat që me shfajësojnë

Në seancën e kësaj të enjteje në Gjykatën për Korrupsionin dhe Krimin e Organizuar,  po jepen konkluzionet përfundimtare të mbrojtjes së ish-ministrit të mjedisit, Lefter Koka.

SPAK ka kërkuar 10 vite burg për Kokën që me aplikim të gjykimit të shkurtuar nëse shpallet fajtor, do të dënohet me 6.8 vite burg.  Ish-ministri i Mjedisit është vetë i pranishëm për herë të parë në seance.

Avokati i tij pretendon se në lidhje me inceneratorin e Elbasanit, i është kërkuar mendim katër ministrive dhe se gjatë kohës që janë bërë negociata me kompanitë e inceneratorit Lefter Koka ka qenë jashtë vendit.