Indi, përmbytjet shkatërrojnë miliona shtëpi, regjistrohen viktima

Shirat e dendur kanë goditur Indinë, ku në shtetin e Meghalaya, 18 persona kanë humbur jetën. Në shtetin e Assam, qeveria ka hapur 1,425 kampe ndihme për të zhvendosurit, por autoritetet thonë se puna e tyre është komplikuar nga intensiteti i madh i katastrofës. Edhe kampet e shpëtimit janë në gjendje të mjerueshme.

“Jemi të rrethuar nga uji i përmbytjeve nga të gjitha anët. Nuk ka ujë për të pirë. Ushqimi është gjithashtu i pakët“, thotë një banore.

Reshjet e shiut dhe përmbytjet kanë lënë pas gjurmë shkatërrimi në Assam, duke zhytur fshatra nën ujë, duke shkatërruar të korrat dhe duke shkatërruar shtëpi.

Autoritetet thonë se 32 nga 35 rrethet e saj janë prekur, duke vrarë të paktën 45 njerëz dhe duke zhvendosur më shumë se 4.7 milionë të tjerë gjatë javës së fundit./ BBC

/rtsh.al/