Inter, Barella: Duam të mbyllim rrethin në ndeshjen më të rëndësishme të vitit

Ja ku jemi! Takimi me historinë është vetëm pak orë larg dhe si në çdo rast, është koha për një konferencë shtypi. Megjithatë, në këtë rast është finalja e Champions League, një ngjarje unike që tërheq vëmendjen e mediave nga mbarë bota dhe ka nisur të ndihet tensioni i nëntëdhjetë minutave më të rëndësishme të vitit, në këtë rast për Interin. Së bashku me Simone Inzaghin dhe kapitenin Lautaro Martinez, para gazetarëve flet edhe Nicolò Barella.

“Ndeshja do të jetë e ngjashme me gjysmëfinalen dhe çerekfinalen – komentoi Barrella për Sky. Ne i respektojmë të gjithë, përfshirë PSG-në. Do të përpiqemi të përsërisim ndeshjen që luajtëm në Mynih kundër Bayernit, duke u përpjekur t’i japim vetes një fund të mirë. Duhet të jemi kompakt dhe të shënojmë kur të jetë rasti”.

“Në çdo ndeshje filloni 50-50, pastaj është fusha ajo që flet. Shumë e kanë përjetuar tashmë finalen dhe ne po e shijojmë sepse do të jetë më e rëndësishme zemra në fushën e lojës sesa taktikat. Humbjet na kanë dhënë energji, por tani po luajmë ndeshjen më të rëndësishme dhe do të përpiqemi të mos mbetemi pa trofe. Do të ishte mbyllja e një rrethi”.