Interneti ne shkolla edhe pas mesimit
Kjo do te thote qe edhe pas mesimit ose ne oraret e drekes dhe pasdites nxenesit do te kene mundesi te perdorin internetin e shkolles, te instaluar prane kabineteve te informatikes. Udhezimi pritet te leshohet dhe te zbatohet shume shpejt.
Sipas Ministrise se Arsimit, duke qene se interneti eshte instaluar ne shkolla, ne kabinetet e informatikes ka kompjutere qe pas orarit te shkolles qendrojne “pa pune”, atehere nxenesit mund te shfrytezojne mundesine per te punuar ne kompjuteret e shkolles, per informacione, per te punuar lidhur me detyrat mesimore, por edhe per te vizituar faqet e parapelqyera nga ta.
Udhezimi do te mbaje ne pune “dezhurn” nga nje mesuese per cdo dite, kjo e vendosur sipas nje grafiku nga drejtoria e shkolles. Pak dite me pare, ministri i Arsimit zyrtarizoi mbarimin e projektit te internetit ne shkolla. Plot 2107 shkolla 9-vjecare dhe te mesme ne te gjithe vendin, aktualisht kane pjese te “aseteve” te tyre edhe lidhjen me internet.
Kompjutere, kabinete informatike dhe “paketat” e dijes ofruar nga mesuesit jane pjese e ofertes arsimore qe u jepet nxenesve shqiptare, nga jugu ne veri. Lidhja e shkollave ne internet eshte pjese e projektit qe bashkefinancohet nga qeveria shqiptare, Banka Boterore, Banka Europiane e Investimeve dhe Banka per Zhvillim e Keshillit te Europes. Interneti ne forme te “modernizuar”, zonat wireless, do te jene te pranishme edhe ne ambientet universitare.