Investim për mbrojtjen e tokave pranë lumit Drino, synohet të shmanget erozioni

Me afrimin e stinës së dimrit, për të shmangur erozionin e tokave bujqësore nga lumi Drino, Drejtoria e Bordit të Kullimit në Gjirokastër ka planifikuar një ndërhyrje me investim prej 620 milionë lekësh të vjetra.

Ndërhyrja do të kryhet në zonën nga ish-fabrika e këpucëve deri te tregu ish-agro-ushqimor, në një gjatësi lineare prej rreth 600 metrash, duke synuar sistemimin dhe mbrojtjen e tokave bujqësore nga krahu i majtë i rrjedhës së lumit Drino.

Ky investim synon jo vetëm të ruajë tokat nga erozioni, por edhe të kontribuojë në mirëqenien e fermerëve të zonës dhe zhvillimin e qëndrueshëm të bujqësisë.

/rtsh.al/