Irani paralajmëron Britaninë dhe Francën: Nëse mbështesni veprimet e paligjshme të SHBA-së, do të përgjigjemi

Zëvendësministri i Jashtëm i Iranit, Saeed Khatibzadeh, ka paralajmëruar Britaninë e Madhe dhe Francën, se nëse anijet luftarake të këtyre dy vendeve mbështesin veprime që Teherani i cilëson “të paligjshme dhe në kundërshtim me të drejtën ndërkombëtare” të Shteteve të Bashkuara në Ngushticën e Hormuzit, Irani do të japë një përgjigje të menjëhershme dhe vendimtare.

Ndërkohë, mediat iraniane raportojnë se Teherani i ka dorëzuar përgjigjen e tij propozimit amerikan përmes kanaleve ndërmjetësuese pakistaneze.

Sipas agjencisë IRNA, ky kuadër parashikon që në këtë fazë negociatat të fokusohen në përfundimin e konfliktit.

Iran’s Deputy Foreign Minister: French and British warships in the Strait of Hormuz “potentially accompanying the illegal and internationally unlawful actions” of the U.S. “will be met with immediate decisive response.” https://t.co/eR37kjdDRQ pic.twitter.com/gyaxIB29q8

— Open Source Intel (@Osint613) May 10, 2026

Pakistanit i është atribuar roli i ndërmjetësit në përpjekjet për arritjen e një armëpushimi mes Teheranit dhe Uashingtonit.