Irani planifikon kundërpërgjigje të fortë dhe kompleks kundër Izraelit

Irani përsëriti se do të nisë “përfundimisht” një sulm të ri kundër Izraelit. “Detajet nuk mund të diskutohen, por patjetër do të kryhet”, tha zëvendëskomandanti i Gardës Revolucionare iraniane, Ali Fadavi, duke përmendur një operacion të ri kundër Izraelit, pas sulmit izraelit në objektet ushtarake iraniane, në përgjigje ndaj lëshimit të raketës nga Teherani më 1 tetor.

“Njerëzit e botës e kanë kuptuar se regjimi sionist është pushtuesi dhe ka pushtuar tokën palestineze, ka dëbuar njerëzit nga shtëpitë e tyre dhe ka vrarë njerëz, gra dhe fëmijë,” shtoi Fadavi, duke folur gjatë një ceremonie në Teheran, raporton “Mehr”.

Deklarata e tij u bënë gjatë një ceremonie në Teheran në “Ditën e Luftës Kundër Arrogancës Globale”, për të shënuar 45 vjetorin e pengmarrjes në ambasadën amerikane në kryeqytetin iranian në vitin 1979.