“Ish drejtues të policisë kriminale të përfshirë në zhdukjen e Ervis Martinajt”

Babai i Ervis Martinaj, Mustafa Martinaj, është paraqitur për herë të dytë në Gjykata e Posaçme Kundër Korrupsionit dhe Krimit të Organizuar, në kuadër të procesit gjyqësor që lidhet me pronat e djalit të tij.

Seanca u shty sërish për shkak të mungesës së dy avokatëve mbrojtës. Pas daljes nga gjykata, Mustafa Martinaj deklaroi se nuk ka asnjë zhvillim nga autoritetet për zbardhjen e zhdukjes së Ervis Martinaj.

“Nuk duan ta zbardhin, prandaj e lënë në Kurbin, pasi ua kam dhënë koordinatat e sakta dhe emra konkretë”, u shpreh ai para mediave.

Sipas Mustafa Martinajt, në moszbardhjen e ngjarjes dyshohet të jenë të përfshirë edhe ish-drejtues të policisë kriminale ndër vite.

“I kam thënë të gjitha në SPAK kur erdha dëshmova me kërkesën time, por askush nuk është interesuar që atëherë”, deklaroi ai.m.k