“Isha i hutuar dhe në tension” / 53-vjeçari nga Gramshi i rrëfen policisë greke vrasjen e gruas
“Isha i hutuar…” i tha policisë autori i vrasjes së shqiptares 44 vjeçare Esma Meçe në Rodopi, Greqi.
53-vjeçari Bujar Meçe i rrëfeu veprimet e tij policisë, duke pretenduar se veproi në gjendje tensioni.
Edhe pse ishte planifikuar të dilte para prokurorit këtë të premte, transferimi i tij në gjykata do të bëhet 24 orë më vonë, ndërsa përkohësisht po mbahet në ambientet e paraburgimit.
Në të njëjtën kohë, autoritetet kanë marrë deklarata nga të dy fëmijët e familjes.
Ishte vajza 16-vjeçare e çiftit që telefonoi autoritetet në mesditë të mërkurën për të raportuar se babai i saj i kishte therur nënën, ndërsa ishte djali 19-vjeçar i familjes që e çoi nënën e tij në Spitalin e Komotinit, ku mjekët e shpallën të vdekur.
Tragjedia ndodhi të mërkurën, më 26 gusht, në Dialampi , në ditëlindjen e vajzës së mitur të çiftit.
44-vjeçarja, e cila punonte në Thassos, në sektorin e turizmit, ishte kthyer në Rodope për të qenë pranë fëmijëve të saj dhe për të festuar me ta.
Megjithatë, askush nuk mund ta imagjinonte se kthimi i saj do të rezultonte në një tragjedi familjare.
53-vjeçari dyshohet se e kreu aktin e rëndë për motive xhelozie, ndërsa Esma Meçe kishte planifikuar të divorcohej me të.
Në foto, viktima:
