Izraeli bombardon shkollën në Gaza, 17 të vrarë, shumica e viktimave gra dhe fëmijë

Një sulm ajror izraelit ndaj një shkolle ku strehoheshin të larguarit nga Gaza qendrore la të vrarë të paktën 17 persona, pjesa më e madhe e të cilëve  gra dhe fëmijë. Ndërkohë 42 te tjerë u plagosën.

Muajt e fundit, Tel Avivi  ka bombarduar  disa shkolla, të shndërruara në  vendstrehime, duke thënë se shënjestrën luftëtarët e Hamasit që fshihen në mesin e civilëve.

Ndërkohë lufta mes Hezbollahut dhe Izraelit ka detyruar 1 milion  persona të zhvendosen në Liban.

Ndërsa situata sa vjen e përkeqësohet presidenti francez Emmanuel Macron ka njoftuar  në një konferencë ndërkombëtare në Paris se do të dhurojë një paketë  ndihme  në vlerën prej 100 milionë eurosh për Libanin.

“Është e nevojshme ndihma masive e menjëhershme për popullin libanez, si për qindra mijëra njerëz të zhvendosur nga lufta, por edhe për komunitetet që po i strehojnë”, tha Macron.

Organizatorët francezë të konferencës ndërkombëtare kanë thënë se shpresojnë që pjesëmarrësit të zotohen për ndihmë humanitare që do të arrijë shifrën e 426 milionë eurove që sipas Kombeve të Bashkuara, i duhen urgjentisht Libanit. /vizionplus.tv