“Jam mërzitur shumë”, Rama ironizon listat e PD: Kujtim Gjuzin e kishin lënë në det të hapur

Një ditë pas publikimit të listave të kandidatëve për deputetët për zgjedhjet e 11 majit, kryeministri Edi Rama ka ironizuar opozitën, duke shprehur “mërzitjen” e tij për faktin që Kujtim Gjuzi dhe Dashnor Sula nuk figurojnë në listat e reja.

Në një deklaratë me tone ironike, Rama tha: “Sot jam i mërzitur, sepse Kujtim Gjuzi e kishin lënë në det të hapur, dhe nga ana tjetër, edhe një gjel deti të Peqinit e kishin lënë në det të hapur. Por për Kujtimin u mërzita shumë, sepse është përfaqësuesi më dinjitoz i Shqipërisë madhështore.”