Juirdo Cani, medalja e humbur

Juirdo Cani, taekuondisti shqiptar i peshës deri në 63 kilogram, është një medalje e humbur për Shqipërinë në Lojërat Olimpike Europiane.

Në 1/16 të finaleve, Cani ka bërë një ndeshje të mirë përballë italianit Bareta, i cili ka fituar 2-1. Duke qenë se italiani shkoi deri në finalen e madhe, atje ku dhe ishte fitues i medaljes së artë, atëherë Cani fitoi të drejtën e vajtjes në ripeshkim, ndërsa u përball me polakun Uscimiuk, të cilin e mundi 2-0.

Pikërisht në finalen për medaljen e bronztë, Cani është mundur nga francezi Alafilip, i cili raundin e parë e mori me skualifikim të kundërshtarëve pas pesë faullave të sportistit tonë. Kurse raundin e dytë e fitoi 12-5.

Një mundësi e humbur, por që për Juirdo Canin do të thotë shumë, sepse kështu do të mund të bëhet një sportist më i pjekur për të shkuar në medaljet në aktivitetet e tjera ndërkombëtare. Keqardhje dhe për Komitetin Olimpik Kombëtar Shqiptar, që e shihte Juirdo Canin një mundësi reale për medalje në Krakovia të Polonisë.