KIEV – Hakerat ukrainas ndërhyjnë në sistemin bankar online rus

KIEV, 24 korrik /ATSH-DPA/ – Ekspertët kibernetikë nga shërbimi sekret ushtarak i  Ukrainës theksuan se ndërprenë për pak kohë sistemet bankare online ruse, telefonat celularë dhe ofruesit e internetit.

”Sulmi ndodhi sot në mëngjes”, raportuan disa media ukrainase, duke cituar burime të shërbimeve sekrete.

Klientët rusë nuk ishin përkohësisht në gjendje të hynin online në bankën e tyre ose të paguanin me kartë për disa orë.

Klientët panë një njoftim në aplikacionet e bankës së tyre ruse që informonte se kishte ndodhur një dështim i sistemit dhe se gabimet do të korrigjoheshin sa më shpejt që të ishte e mundur.

Shërbimet sekrete ukrainase raportojnë rregullisht sulme të suksesshme në internet kundër aseteve ruse.

Megjithatë, ata nuk kanë arritur ende të kryejnë një sulm në përmasat e atij kundër operatorit celular ukrainas, Kyivstar në dhjetor të vitit të kaluar.

Shërbimet e saj mbetën të paralizuara për ditë të tëra./  /os/