KQZ përditëson të dhënat pas numërimit të 4105 qendrave të votimit nga 5225 të tilla në shkallë vendi, PS kryeson me 52.38%, ndjekur nga PD me 34.27%

Pak para mesnatës së të hënës, Komisioni Qendror i Zgjedhjeve ka përditësuar të dhënat më të fundit, pas numërimit të 4105 qendrave të votimit nga 5225 qendra votimi në mbarë vendin.

Sipas këtyre të dhënave, Partia Socialiste e Shqipërisë ka marrë 563 686 vota, përkthyer në 52.38% të votave të vlefshme të numëruara deri tani.

Në vendin e dytë renditet Koalicioni Partia Demokratike – Aleanca për Shqipërinë Madhështore (PD-ASHM) me 368 ,768 vota, që përbën 34.27% të totalit të deritanishëm.

Më pas renditen:

Nisma Shqipëria Bëhet (NISMA-SHB) me 37,908 vota (3.52%)

Partia Socialdemokrate (PSD) me 37,626 vota (3.50%)

Partia Mundësia me 31,270 vota (2.91%)

Lëvizja Bashkë me 14,466 vota (1.34%)

Partia Koalicioni Euroatlantik (KEA) me 13,698 vota (1.27%)

Koalicioni Djathtas për Zhvillim (DZH) me 4,236 vota (0.39%)

Partia Aleanca Kombëtare Shqiptare (AKSH) me 2,045 vota (0.19%)

Lëvizja Atdheu (LA) me 1,610 vota (0.15%)

Partia Aleanca Demokracia e Re (ADR) me 766 vota (0.07%)

/rtsh.al/