“Kam shumë frikë”, u lut për ndihmë pas sulmeve izraelite, 6-vjeçarja gjendet e vdekur pas disa ditësh në Gaza

Një vajzë gjashtë vjeçare është gjetur e vdekur në Gaza, disa ditë pasi thirrja e saj për ndihmë mori vëmendje në të gjithë botën. Ajo u gjet e pajetë së bashku me disa nga të afërmit e saj dhe dy mjekë ndihmës që u përpoqën ta shpëtonin.

Hind Rajab po ikte nga qyteti me tezen, xhaxhain dhe tre kushërinjtë e saj kur makina me të cilën po udhëtonin u përball me tanket izraelite dhe u vu nën shënjestër.

Gjashtë vjeçarja ishte e vetmja që shpëtoi në makinë, e fshehur nga forcat mes trupave të të afërmve të saj.

Shoqëria Palestineze e Gjysmëhënës së Kuqe (PCRS) akuzoi Izraelin se synonte qëllimisht ambulancën e dërguar për të shpëtuar vogëlushen Hid Rajab, pasi ajo kaloi orë të tëra në telefon me zyrtarët duke u lutur për ndihmë. Lutjet e saj për dikë që ta shpëtonte përfunduan kur linja telefonike u ndërpre mes zhurmës së më shumë të shtënave.

“Forcat okupuese synuan qëllimisht ekuipazhin e Gjysmëhënës së Kuqe, pavarësisht koordinimit paraprak, në mënyrë që të lejonin ambulancën të arrinte në vendngjarje për të shpëtuar Heed”, tha Gjysmëhëna e Kuqe në një deklaratë.

Izraeli nuk i është përgjigjur akuzave./ BBC

/rtsh.al/