Kanali ujitës Podgorie – Sovjan, pastrohet e rehabilitohet kanali prej 15 km

Kanali ujitës nga Podgoria në Sovjan me gjatësi 15 km është duke u pastruar e rehabilituar përmes një investimi prej 37 milionë lekësh. Qëllimi është përmirësimi i rrjetit ujitës në një sipërfaqe prej 500 Ha tokë në fushën e Maliqit por edhe në Bashkinë e Pogradecit.

Në këtë investim është përfshirë përveç pastrimit e rehabilitimit në të gjithë gjatësinë e kanalit, edhe veprat e artit si tombino e ura, por edhe ndërtimi i prizave shpërndarëse të cilat mundësojnë kryerjen e ujitjes me kapacitetet e duhura dhe në kohën e duhur.

Investimi është parashikuar të përfundojë para sezonit të ujitjes të vitit 2025, në mënyrë që fermerët të kenë sasinë e nevojshme të ujit për të mbjellat e tyre.

/RTSH/