Kapet i armatosur në automjet, arrestohet 20-vjeçari në Bulqizë

TIRANË, 2 gusht /ATSH/ Policia e Bulqizës ka finalizuar operacionin e koduar “Krasta”, duke arrestuar një 20-vjeçar që qarkullonte me armë zjarri pa leje.

I riu, banues në fshatin Peshk, Martanesh, u ndalua në aksin rrugor Krastë–Bulqizë, teksa drejtonte një automjet tip “Benz” kamionçinë. Gjatë kontrollit, policia i gjeti një armë zjarri pistoletë “Zastava” me krehër dhe 10 fishekë.

Arma, municioni dhe automjeti u sekuestruan si prova materiale.

/r.e/