Konkursi per cmimin Ardhja

Në ambientet e “Tirana Ekspres” janë ekspozuar punimet e 5 artistëve konkurent për çmimin  “Ardhja”.  Në garë për çmimin e parë janë  Alketa Ramaj, Endri Dani, Klodian Deda, Matilda Odobashi dhe Ivi Topp. Ekspozita e këtij viti u organizua nën kujdesin e  Sonja Lau dhe Alketa Kurrizo - Kordinatore Programi (T.I.C.A). Ajo cka bie ne sy në punët e prezantuara është larmia dhe mundësia e shprehjes në forma të ndryshme si  video, pikturë, instalacion.
Çmimi  “Ardhja”  si çdo vit  i shërben  ekspozimit dhe promovimit të artistëve të rinj në lëmin e arteve pamore në Shqipëri.  I fokusuar  në qasjet e artisteve  të rinj shqiptarë të cilat analizojnë nëpërmjet mediumeve të ndryshme zhvillimet, problemet dhe fenomenet e kohës në të cilën jetojmë.  
Çmimi “Ardhja” organizohet që prej vitit 2007 nga T.I.C.A. Fituesi  i çmimit “Ardhja” i mundësohet një rezidencë artistike 6  javore në New York.