Kosova respekton lirine e besimit
Raporti i Departamentit Amerikan te Shtetit vlereson mungesen e ligjit per regjistrimin e bashkesive fetare si pengese kryesore per ushtrimin e besimit ne Kosove.
Liria e besimit ne Kosove garantohet nga Kushtetuta dhe respektohet nga Qeveria eshte thelbi i raportit vjetor te Departamentit Amerikan te Shtetit mbi lirine e religjioneve.
Ndonese situata ne pergjithesi eshte pozitive praktikimi i besimit nuk eshte pa probleme ne Kosove.
Sipas Departamentit Amerikan te Shtetit shqetesimi kryesor i te gjitha bashkesive eshte mungesa e mekanizmit per regjistrimin e grupeve fetare.
Disa komunitete fetare fillimisht jane regjistruar si organizata joqeveritare por ligji i cili ka hyre ne fuqi ne qershor te 2009-es i ndalon organizatat fetare te regjistrohen si shoqata joqeveritare.
Pamundesia per te marre nje status ligjor ua ka veshtiresuar bashkesive fetare te regjistrojne prona automjete te hapin llogari bankare apo te paguajne taksa per te punesuarit.
Ne mesin e komuniteteve fetare protestantet jane ata qe kane ankesat me te shumta. Ky grupim ankohet per diskriminim institucional nga autoritetet qendrore dhe lokale.
Ne mesin e mangesive protestantet kosovare permendin mohimin qe i eshte bere kerkeses se tyre per te pasur varrezat e veta. Sipas perfaqesuesve te ketij grupimi besimtaret protestante varrosen ne varrezat e myslimaneve dhe sipas riteve islame.
Ndonese gjendja paraqitet me e mire kete vit per Kishen Ortodokse Serbe raporti i Departamentit te Shtetit nenvizon se serish ka pasur kercenime apo sulme ndaj pronave dhe objekteve fetare te kesaj bashkesie.
Policia vazhdon te hetoje rastet qe kane te bejne me demtimin e varrezave te komunitetit serb ne Lipjan apo demtimin e varrit dhe vjedhjen e disa stolive te nje kufome serbe ne Gjilan.
Bashkesia Islame e Kosoves eshte komuniteti fetar me i madh ne vend i cili sipas Raportit sfiden kryesore gjate vitit te fundit e ka pasur me grupet radikale islamike.
Sipas BIK-ut keto grupe veprojne neper shtepi private dhe drejtohen nga persona qe nuk jane nga Kosova.
Raporti i Departamentit te Shtetit permend dhe vendimin administrativ te Ministrise se Arsimit qe ndalon perdorimin e shamise se kokes ne shkollat publike.
Raporti sjell disa raste kur nxenese apo mesuese jane ndaluar te hyjne ne objektet shkollore ndonese thekson se vendimi zbatohet ne menyre selektive nga drejtuesit e shkollave.
Raportet mes besimeve fetare e ne vecanti mes Bashkesise Islame dhe asaj katolike ne Raport vleresohen si pergjithesisht te mira. Kisha Katolike ka nenvizuar se kontaktet me Kishen Ortodokse Serbe jane te kufizuara.
Ne Kosove aktualisht me rreth 1 milion dollare nga Qeveria amerikane po zhvillohen shtate projekte rindertimi ne qendra fetare si pjese e nismes per te mbrojtur trashegimine kulturore dhe fetare te vendit. /rel/