Kosove qeveria miraton buxhetin e 2013-es
Buxheti i Kosovës për vitin 2013 do të jetë 1.6 miliardë euro. Kështu parashihet në Projektligjin për Buxhetin e Kosovës, që të hënën është miratuar nga qeveria e Kosovës.
Të hyrat për vitin 2013 parashihet të jenë 1 miliard e 423 milionë euro, ndërkaq shpenzimet pritet të jenë 1 miliard e 586 milionë euro.
Defiçiti prej 163 milionë eurosh, sipas ministrit të Ekonomisë dhe Financave, Bedri Hamza, do të mbulohet nga bartjet e këtij viti. Sipas tij, në bazë të vlerësimeve, Kosova pritet të ketë një rritje ekonomike 4.5% për vitin e ardhshëm.
“Ne presim që edhe në vitin 2013 dhe në vitet në vijim, ekonomia e Kosovës të vazhdojë me ritmet e saj pozitive të rritjes. Në të vërtetë, ne presim që edhe në vitin 2013, norma e rritjes ekonomike të jetë ndër më të lartat në rajon, 4.5%, falë projeksioneve tona për rritje të konsumit, investimeve dhe eksporteve”, ka deklaruar Hamza.
Sipas Hamzës, çmimet do të rriten me 1.5%, e që sipas tij është një shifër e ulët. Po ashtu, ministri Hamza ka thënë se në këtë projektligj janë ndarë mjetet financiare për autostradën Vërmicë-Merdarë dhe se është ndarë edhe fondi për autostradën e re Prishtinë-Shkup.
Aty është paraparë edhe rritja e pensioneve. Ndërkaq, i pyetur nëse është paraparë edhe ngritja e pagave për mësimdhënësit, Hamza nuk e pohoi këtë.
“Ne presim të shohim se cilat do të jenë prioritetet dhe cila do të jetë deklarata e prioriteteve të qeverisë për vitet vijuese dhe sigurisht që ne do t’i marrim në konsideratë dhe buxhetin do ta zhvillojmë mbi bazën e deklaratës së prioriteteve. Pra, në atë moment kur ne do t’i kemi prioritetet konkrete dhe të shkruara, do t’i reflektojmë ato në proçeset e ardhshme buxhetore. Rritja e pagave është prioritet i qeverisë, mirëpo ne presim të dimë se cili është momenti i fillimit të implementimit”, ka thënë Hamza.
Projektligji i miratuar të hënën në mbledhjen e qeverisë, që sipas zyrtarëve qeveritarë është bërë në pajtim të plotë me Fondin Monetar Ndërkombëtar, do t’i dërgohet Kuvendit të Kosovës që do të marrë miratimin përfundimtar.
Të hyrat për vitin 2013 parashihet të jenë 1 miliard e 423 milionë euro, ndërkaq shpenzimet pritet të jenë 1 miliard e 586 milionë euro.
Defiçiti prej 163 milionë eurosh, sipas ministrit të Ekonomisë dhe Financave, Bedri Hamza, do të mbulohet nga bartjet e këtij viti. Sipas tij, në bazë të vlerësimeve, Kosova pritet të ketë një rritje ekonomike 4.5% për vitin e ardhshëm.
“Ne presim që edhe në vitin 2013 dhe në vitet në vijim, ekonomia e Kosovës të vazhdojë me ritmet e saj pozitive të rritjes. Në të vërtetë, ne presim që edhe në vitin 2013, norma e rritjes ekonomike të jetë ndër më të lartat në rajon, 4.5%, falë projeksioneve tona për rritje të konsumit, investimeve dhe eksporteve”, ka deklaruar Hamza.
Sipas Hamzës, çmimet do të rriten me 1.5%, e që sipas tij është një shifër e ulët. Po ashtu, ministri Hamza ka thënë se në këtë projektligj janë ndarë mjetet financiare për autostradën Vërmicë-Merdarë dhe se është ndarë edhe fondi për autostradën e re Prishtinë-Shkup.
Aty është paraparë edhe rritja e pensioneve. Ndërkaq, i pyetur nëse është paraparë edhe ngritja e pagave për mësimdhënësit, Hamza nuk e pohoi këtë.
“Ne presim të shohim se cilat do të jenë prioritetet dhe cila do të jetë deklarata e prioriteteve të qeverisë për vitet vijuese dhe sigurisht që ne do t’i marrim në konsideratë dhe buxhetin do ta zhvillojmë mbi bazën e deklaratës së prioriteteve. Pra, në atë moment kur ne do t’i kemi prioritetet konkrete dhe të shkruara, do t’i reflektojmë ato në proçeset e ardhshme buxhetore. Rritja e pagave është prioritet i qeverisë, mirëpo ne presim të dimë se cili është momenti i fillimit të implementimit”, ka thënë Hamza.
Projektligji i miratuar të hënën në mbledhjen e qeverisë, që sipas zyrtarëve qeveritarë është bërë në pajtim të plotë me Fondin Monetar Ndërkombëtar, do t’i dërgohet Kuvendit të Kosovës që do të marrë miratimin përfundimtar.