Kosovë, shkarkohet drejtori i policisë

Kryeministri i Kosovës, Hashim Thaci ka marrë një vendim për shkarkimin e drejtorit të përgjithshëm të Policisë së Kosovës, Sheremet Ahmeti.

Lajmin e bëjnë të ditur mediat lokale, sipas të cilave në vend të Ahmetit është emëruar Behar Selimi, i cili pritet të zyrtarizohet gjatë ditës së sotme.

Ndërkohë, zëdhënësi i qeverisë së Kosovës, Memli Krasniqi ka deklaruar se nuk është në dijeni të një emërimi të tillë.