Kozarja n’Festë, panairi i agrobiznesit që po shndërrohet në traditë në Kuçovë
TIRANË, 19 maj/ATSH/ Fermerët e Kuçovës u bashkuan këtë fundjavë në panairin e agro-biznesit, “Kozarja në festë”.
Gjatë këtij panairi, i dyti pas atij të vitit të shkuar, fermerët ekspozuan dhe promovuan në treg produktet e tyre bio.
Në panair, përveç fermerëve të zones, ishin edhe nxënësit e shkollave të mesme të qytetit, për të promovuar gatimet tradicionale.
Kryetari i Bashkisë së Kuçovës, Kreshnik Hajdari e vlerësoi panairin e agro-biznesit si mënyrën më të mirë për të promovuar prodhimet bio bujqësore dhe blegtorale të zonës.
Sipas tij, ky panair po shndërrohet në një traditë të përvitshme për zonën e Kuçovës, ku janë të ndërthurura traditat e muzikës polifonike të këtyre trevave.
Fshati Kozarë në bashkinë e Kuçovës ka sipërfaqe të konsiderueshme serash, sikurse punohet edhe në fushë të hapur edhe në blegtori, duke kthyer në një zonë me prodhim bujqësor intensiv.
/a.f/