Kreu delegacionit rus të OSBE-së: Rusia do të insistojë në refuzimin e NATO-s për të pranuar Ukrainën

Rusia do të insistojë që NATO të deklarojë publikisht se nuk do ta pranojë Ukrainën si anëtare, tha Konstantin Gavrilov, kreu i delegacionit rus në Organizatën për Siguri dhe Bashkëpunim në Evropë, sipas agjencisë ruse të lajmeve RIA-Novosti.

“Rusia do të insistojë që NATO të shpallë publikisht refuzimin e saj për të pranuar Ukrainën në radhët e saj”, tha Gavrilov të mërkurën në seancën plenare të Forumit të OSBE-së për Bashkëpunimin e Sigurisë në Vjenë. 

“Kiev, nga ana tjetër, duhet të shpallë statusin e tij neutral, të paangazhuar, siç parashikohet në Deklaratën mbi Sovranitetin Shtetëror të Ukrainës të 16 korrikut 1990”, shtoi Gavrilov. 

Ndalimi i anëtarësimit të Ukrainës në Organizatën e Traktatit të Atlantikut të Veriut është një nga tre kërkesat kryesore të Rusisë ndaj SHBA-së dhe aleancës së NATO-s, së bashku me ndalimin e zgjerimit të mëtejshëm drejt lindjes së aleancës dhe kthimin e infrastrukturës ushtarake të NATO-s në pozicionet e vitit 1997. Ukraina është e angazhuar përmes një amendamenti kushtetues për anëtarësimin në NATO./CNN