Kristen, në ndihmë fustani nga sikleti i shfaqjes me R-Patz

Marrëdhënia e tyre u trondit pak muaj më parë, pas publikimit të tradhtisë që Kristen Stewart kishte bërë ndaj të dashurit të vet, Robert Pattinson, me drejtorin e filmit ‘Snow White And The Huntsman’, Rupert Sanders. Tashmë dyshja e njohur e aktorëve duket se e ka kaluar këtë moment dhe janë rikthyer së bashku. Ata janë shfaqur mbrëmjen e së hënës në premierën e pjesës së fundit të sagës ‘Twilight’, më pranë se kurrë. Por, ndoshta për të shmangur sikletin dhe për të larguar vëmendjen nga të dy ata, Kristen kishte zgjedhur një veshje transparente, e cila arriti pikërisht që të tërhiqte vëmendjen e mediave, por dhe publikut.