Kriza per kartat drejt fundit

Kriza politike per ceshtjen e kartave te identitetit, e cila arriti kulmin dje kur opozita braktisi parlamentin ne shenje proteste, duket se po zbutet dhe shenjat e para tregojne per nje kompromis te mundshem ndermjet dy forcave kryesore.

Burime konfidenciale kane deklaruar per Top Channel, se kane nisur dhe po vazhdojne negociata intensive ndermjet partive kryesore me ndermjetesimin e trojkes evropiane qe vizitoi Tiranen ditet e fundit dhe qe zhvilloi takime te vecanta si me kryeministrin Berisha ashtu edhe me kryetarin e opozites Edi Rama.

Opozita kishte kerkuar pajisjen me karta identiteti falas per te gjithe qytetaret si dhe ndryshimin e procedurave teknike duke perdorur sistemin “one stop shop”.

Por mazhoranca e kishte kundershtuar kategorikisht mundesine e dhenies falas te leternjoftimeve te reja biometrike, duke e cilesuar kete nje metode dhe mentalitet komunist.

Burime ende te rezervuara bejne te ditur se shume nga ceshtjet tashme jane tejkaluar dhe se PD eshte terhequr nga qendrimi i saj i meparshem, duke ofruar si kompromis mundesine e pajisjes me karta identiteti te qytetareve kundrejt shumes prej 200 lekesh.

Te njejtat burime thone se tashme qe ne nivel politik kriza mund te quhet e tejkaluar, po vazhdojne diskutimet per zgjidhjen e detajeve teknike te ceshtjes.