Krokodili ha vajzën 7 vjeçare ndërsa notonte në Australi

Policia australiane, që po kërkonte për një vajzë të humbur, thotë se ka gjetur mbetje njerëzore brenda trupit të një krokodili.

Vogëlushja 7 vjeçare po notonte me familjen e saj në Territoret Veriore të premten, kur një krokodil i ujërave të kripura e sulmoi dhe e tërhoqi poshtë në ujë.

Një ditë më vonë rojet qëlluan dhe vranë një krokodil tre metër të gjatë në atë zonë.

Testet fillestare treguan se stomaku i tij kishte mbetje njerëzore.

Të tjera analiza do të kryhen për të provuar nëse është trupi i vajzës në stomakun e krokodilit.

Vajza u tërhoq nga krokodili në ujë. Më parë reptili kishte sulmuar edhe një burrë, që ishte me vajzën.

BBC thotë se është shumë e rrallë që njerëzit të sulmohen nga krokodilët e ujit, një specie e mbrojtur në Australi.

Banorët thonë se nuk kanë parë më parë krokodilë aty, ndaj mendonin se ishte e sigurt të lahesh.