Kryeministri Rama në Francë, takim me pjesëtarë të Unionin të Sipërmarrësve

Në ditën e dytë të vizitës zyrtare në Francë Kryeministri Edi Rama ka zhvilluar një takim me pjesëtarë të Unionin e Sipërmarrësve të Francës. Në një postim në Facebook, Rama ka ndarë pamje nga takimi. 

Në këtë takim kreu i qeverisë u përqendrua kryesisht në promovimin e potencialeve dhe klimës që Shqipëria ofron për zhvillimin e investimeve të huaja, si dhe në perspektivën e bashkëpunimit mes dy vendeve edhe në fushën e teknologjisë dhe inovacionit.

Kryeministri Edi Rama ndodhet në Francë me ftesë të presidentit Emmanuel Macron.

Kreu i qeverisë do të pritet me një ceremoni zyrtare në orën 13:00 nga presidenti francez.

Kjo është vizita e parë e një kryeministri shqiptar, e këtij niveli në historinë e marrëdhënieve diplomatike mes dy vendeve.

/rtsh.al/