Kryeministri i ri grek Lucas Papademos

Kryeministri i ri grek Lucas Papademos i cili do te drejtoje qeverine kalimtare te vendit thote se vendi i tij ndodhet ne nje udhekryq te rendesishem dhe se nuk do te jete e lehte zgjidhja e problemit te borxhit me te cilin po ndeshet ekonomia greke.

Sot udheheqesit politike greke emeruan zyrtarisht zotin Papademos ish nenpresident i Bankes Qendrore Evropiane si udheheqesin e qeverise se perkoheshme i cili do ta udheheqe vendin deri ne mbajtjen e zgjedhjeve qe ka mundesi te mbahen vitin e ardhshem.

Kryeministri grek Xhorxh Papandreu i dorezoi atij pergjegjesine per zbatimin e masave te rrepta ekonomike te kerkuara nga kreditoret nderkombetare ne shkembim te nje ndihme tjeter per pagimin e borxhit qe ka Greqia. Keto masa jane kundershtuar permes protestash te vazhdueshme nga populli grek.

Zoti Papademos do ta beje betimin si kryeministri i ri i vendit neser. Ai tha se para tij ka nje rruge aspak te lehte per tu pershkruar. Por ai tha se vazhdimi i perdorimit te Euros eshte nje garanci per stabilitetin monetar te vendit.

Ekonomisti grek i shkolluar ne Shtetet e Bashkuara i cili nuk ka kandiduar ndonjehere per post zyrtar shihet gjeresisht si nje personalitet jo partiak. Analistet thone se ai ka lidhje te mira me kryeqytete evropiane.