Kukës, dimri dhe gripi shtojnë mungesat në shkollë

Janari ka shënuar një situatë të rënduar gripale edhe në Kukës. Deri në 250 mungesa në ditë janë regjistruar në dy javët e para të janarit në shkollën më të madhe të Kukësit, në gjimnazin “Havzi Nela”, shkollë më mbi 1100 nxënës.
Pavarësisht mungesave të larta, Drejtoresha e shkollës së mesme “Havzi Nela”, Vjollca  Gashi, në një intervistë për RTSH-në thotë se aktualisht të konfirmuar me covid 19-të janë vetëm një nxënës, një mësues dhe një sanitare. Ndërsa në arsimin parashkollor, nuk ka të konfirmuar asnjë rast më covid te fëmijët.
Qarku i Kukësit renditet në fund të tabelës së- infektimeve me covid, me 202 raste aktive.