Kurti kërkon takim të përbashkët me Hamzën, Abdixhikun dhe Gjinin
PRISHTINË, 12 gusht/ATSH/ Kryetari i Lëvizjes Vetëvendosje, njëherësh kryeministri në detyrë, Albin Kurti, ka kërkuar takim të përbashkët me liderët e partive të ish-opozitës.
KosovaPress ka mësuar se Kurti sërish iu ka kërkuar takim krerëve të partive opozitare për gjetjen e një zgjidhjeje për çështjen e presidentit.
Ndryshe nga ftesat e kaluara, KosovaPress ka mësuar se Kurti kësaj radhe ka kërkuar edhe takim të përbashkët me Bedri Hamzën, Lumir Abdixhikun dhe Ardian Gjinin.Kurti ka mbajtur tri takime me liderin e LDK-së, Lumir Abdixhiku, deri tani, ndërkaq një takim me kryetarin e PDK-së, Bedri Hamza, por që nuk kanë rezultuar me sukses.
Ndërkaq, kryetari i Aleancës, Ardian Gjini, vazhdimisht ka refuzuar që të takohet me Kurtin.Vazhdimi i seancës konstituive është ndëprerë të shtunën me kërkesë të kreut të LVV-së, Albin Kurti dhe pas ekskalimit të situatës në seancë gjatë gjuajtjes me vezë Albin Kurtin nga deputetja e Alenacës, Time Kadrijaj.
Në zgjedhjet e 7 qershorit, LVV-ja mori 53 deputetë, PDK-ja 22, LDK-ja 18 e Aleanca 7. /Kosovapress/