Lajm i mirë/ Rama: Përfundon raundi i parë i negociatave për njohjen e sigurimeve në Kroaci

Kryeministri Rama njoftoi përfundimin e raundit të parë të negociatave për marrëveshjen e sigurimeve shoqërore me Kroacinë.

Përmes një reagimi në Facebookm, kryeministri shprehet se pas ratifikimit të marrëveshjes, rreth 3 mijë shqiptarë do të përfitojnë nga njohja e viteve të punës.

“Përfundon raundi i parë i negociatave mes Shqipërisë dhe Kroacisë për marrëveshjen e sigurimeve shoqërore

Pas përfundimit të procesit teknik do të ndiqen të gjitha procedurat për ratifikimin e kësaj marrëveshjeje. Rreth 3 mijë shqiptarë që punojnë në këtë vend do të përfitojnë nga njohja e viteve të punës.”– shkruan Rama.