Leskaj: Topi si negociator, eshte nje mision i pamundur

Deputetja e Partise Socialiste, Valentina Leskaj, u shpreh dje ne lidhje me deklaratat e Presidentit Topi per te negociuar me palet, se ky eshte nje mision i pamundur. "Topi si negociator mes paleve eshte nje mision i pamundur, per shkak se Presidenti e ka te veshtire te degjohet brenda asaj force politike, qe e ka zgjedhur", deklaroi Leskaj. E pyetur se nese PS-ja do te ishte per nje emer tjeter si negociator, per zgjidhjen e problemeve mes paleve, zyrtarja socialiste, theksoi se negociatat per opoziten do te jete vetem me hapjen e kutive. "Opozita do te qendroje fort dhe do te vazhdoje serish te protestoje, duke i alternuar keto protesta, me hapa te tjera. Opozita gjithashtu do ta coje deri ne fund kete kauze, qe nuk eshte kauze personale, por qe i kalon kufijte e nje partie politike",-tha deputetja e selise roze. Sipas saj, te gjitha deklaratat dhe ultimatumet kane qene nje zgjidhje e detyruar per shkak te situates ne te cilen ndodhet vendi, ndersa shtoi se jane parashikuar te pershkallezohen protestat, pasi qeveria nuk ka reaguar ne lidhje me te drejten e votes. Duke folur per protesten tre ditore te opozites, ajo theksoi se kjo proteste ishte nje arritje e madhe per demokracine ne Shqiperi. "Protesta ka dale pertej PS-se, sepse kishte perfaqesues te dy spektrave politike, por edhe per shkak te pjesemarresve. Kjo ishte nje proteste cilesisht e re, sepse per hir te se vertetes pergjithesisht kemi pare kete pjesemarrje vetem ne mitingjet politike ne kohen e fushates zgjedhore", theksoi Leskaj, duke nenvizuar se kjo ishte nje levizje masive dhe popullore per ceshtjen e se drejtes se votes.