Leverkusen: Fabregas është zgjedhja e parë për të zëvendësuar Xabi Alonson

Bayer Leverkusen ka hapur garën për të gjetur një zëvendësues për Xabi Alonso në stol. Trajneri spanjoll po shkon drejt një rikthimi te Real Madrid.

Krerët e klubit gjerman nuk duan të shtrembërojnë stilin e lojës që ish-mesfushori ka arritur të ofrojë vitet e fundit. Një model që çoi në triumfin historik në Bundesligë të sezonit 2023-2024. Sipas Sky Deutschland, favorit për të zëvendësuar Xabi Alonson është Cesc Fabregas, aktualisht në krye të Como.

Trajneri 38-vjeçar duhet të zgjedhë nëse do të vazhdojë me projektin në bregun e liqenit apo do të fluturojë drejt Gjermanisë për të nisur një aventurë të re emocionuese. Ish-ylli i kombëtares spanjolle nuk është i vetmi emër në listën e Aspirinëve, pasi ka edhe trajnerë të kalibrit si Ten Hag dhe Xavi.