Lewandowski dhe Topi i Artë: E meritoja, por e di si funksionon…

Robert Lewandowski dha një intervistë të gjatë për The Times. Sulmuesi polak foli për brezin e ri, shpenzimet e shumta të Premier League, të kaluarën e tij dhe shumë më tepër. Ja një fragment: “Si ia dal të shënoj ende kaq shumë gola? Gjithmonë mendoj se topi do të vijë tek unë. Pra, kur të vijë topi, duhet ta mposht kundërshtarin tim, të jem më i shpejtë se ai, të reagoj. Pastaj, së treti, duhet të jem edhe më i zgjuar. Mos mendo, thjesht bëje. Dhe kaq”.

A ndiheni ende në formë?

“Mund të qëndroj në një nivel të mirë për dy ose tre vjet të tjera. Ndihem i fortë. Nëse shikoni të dhënat e mia të stërvitjes dhe testet fizike, jam në një nivel të ngjashëm me atë ku isha më parë. Njerëzit bëjnë gabimin të mendojnë se, duke qenë 37 vjeç, jam tashmë në rënie. E di që mund të jem në krye dhe fizikisht nuk ndihem sikur nuk mund të përballoj lojtarët më të rinj. Përkundrazi”.

A e meritoje Topin e Artë?

“Kam fituar gjithçka në jetën time, përveç Topit të Artë. Mendoj se mund ta kisha fituar, por nuk mund të ndryshoj. Nuk mendoj se do të isha një lojtar ose një njeri tjetër nëse do ta kisha këtë trofe. Ka shumë gjëra që sillen rreth futbollit, ndonjëherë edhe politika… E di si funksionon”.