Lideri kinez bisedë telefonike me Putin, SHBA: Kina rrezikon të jetë në anën e gabuar të historisë

Që nga pushtimi i Ukrainës nga Rusia, Kina ka kërkuar të qëndrojë neutrale ndaj konfliktit, duke bërë thirrje për një zgjidhje paqësore.

Në një bisedë telefonike të zhvilluar këtë të mërkurë, presidenti i Kinës, Xi Jinping, e siguroi presidentin rus Putin për mbështetjen e Pekinit për “sovranitetin dhe sigurinë” e Moskës.

Por SHBA-të kanë shprehur shqetësimin, duke paralajmëruar se kombet që mbështesin Putinin për pushtimin e tij në Ukrainë do të jenë “në anën e gabuar të historisë”.

“Kina pretendon të jetë neutrale, por sjellja e saj e bën të qartë se ajo ende po investon në lidhje të ngushta me Rusinë”, ka thënë një zëdhënës i Departamentit të Shtetit të SHBA.

Tregtia dypalëshe e Kinës me Rusinë u rrit në tremujorin e parë të vitit , duke u rritur me 28% nga një vit më parë, sipas të dhënave të doganave kineze./ BBC

/rtsh.al/