Ligji për komisionet hetimore parlamentare, Rithemelimi dhe grupimi i Bardhit dorëzojnë ankimim në Gjykatën Kushtetuese

Deputetët demokratë, mbështetës të ish-kryeministrit Sali Berisha dhe të kreut të Grupit Parlamentar, Gazment Bardhi, ankimuan në Gjykatën Kushtetuese ligjin e komisioneve hetimore parlamentare. Ky ligji i cili u miratua me votat e shumicës në Kuvend, konsiderohet nga deputetët opozitar, si antikushtetues dhe bllokues i kontrollit parlamentar të pakicës.

Kërkesa e firmosur nga 33 deputetët që i hap rrugë shqyrtimit nga Kushtetuesja, u ndërmor prej tyre pasi Presidenti dekretoi ligjin, edhe pse këta përfaqësues të opozitës apeluan për mosdekretimin e tij.

Deputetet opozitar prej disa muajsh kane pamundësuar zhvillimin normal të punimeve të parlamentit me kërkesën për ngritjen e komisioneve hetimore parlamentare, sikundër ndryshimin e përbërjes se komisionit parlamentar të reformës zgjedhore.

/rtsh.al/